جاري المسح للباقي وانت اللي تكفيني

فديتك ياهوى نفسي مع الشدات خاويني

فديتك لا قسى وقتي علي وناحت اشجاني

ابيك في لحظه الفزعه تحط يديك بيديني

وابيك ليا شكيت اليأس تكون بساحه اوطاني

ابيك البلسم لجرحي وابيك النوم في عيني

وابيك اللي ليامني صحيت القاه بأحضاني

طلبتك يا بعد ذاتي امـــــــــــــــانه لا تخليني

تراني لو رحلت ابقى ضحيت كيد عدواني

سألتك بالله الوالي سألتك لا تجافيني

لاني اموت بغيابك يا روحي وجثماني

معي واصل مشاويرك اواسيك وتواسيني

معي ابقى مثل ظلي حذاااارى لا تعداني

ابي منك الوعد انك على غيري تبديني

وانا هذا وعد مني ما ابيعك واشري الثاني

واذا بلسانك الصادق نطقت وقلت تغليني

انا با اعلن خبر عاااااجل تعالو اقرو اعلاني

ابكتب داخل الاعلان الى من صار يغليني

الى قلبي الى عمري الى من صار يهواني

اليك اهدي نغم شعري وكل عرق نبض فيني

اليك اهدي شذى عطري ويا سميني وريحاني

وابي اكتب داخل الاعلان وصيه كان شاريني

معي بالطيب عالمني ولا تجرح بهجراني

ومهما تقسى الدنيا علينا لاتعاديني

ولا تسعى ابد في يوم في عندي وعصياني

ابيك دكتور لالامي من احزاني تداويني

وابي لا كفت ابصاري تكون النور لا اعياني

وابي لا فاضت انفاسي تكون اول معزيني

وابيك بيدينك الثنتين تلف الجسم با اكفاني

وبعد ما اكون في قبري تذكرني وتبكيني

واكون دايم على بالك ما تغفل وتنساني

ابي لا قالو العذال وش اللي بينك وبيني ؟

تبسم وتدمع عيونك من الحسره وفقداني

وتجاوبهم اني حي وبالاضلاع تخفيني

واني سلوة الخاطر معك لاصرت وحداني

ابيك تقول هو ما مات احاكيه ويحاكيني

ابيك تقول هو موجود وخبيته بوجداني

ابيك تقول هو دمي اللي في شراييني

لانك دمي اللي كان يضخه عرق شرياني


وابي لا زادت جراحك تخيلني وتناديني

وتفتش داخل شعورك وتهمسلي وتلقاني

واذا طال السفر اقرأ كتاباتي ودواويني

وقل يا كثر ما خلي كتب لي شعر واهداني

ترى لو للقصيد عيوون والله ما تقديني

لان للقصيد عيون واسمك رمز ديواني

وترى لو للحروف اهداب تعجز لا تغطيني

لاني للحروف ايحا ووحيك سر لاذعاني


تداركت الزمن يمك الا ياليت يمديني


اخاف اجيك متأخر وسيف الوقت يا طاني

نسيت من اجلك الصادق اللي الروح يعطيني

ونسيت الاول والاخر والقاصي مع الداني

وجااااري المسح للباقي وانت اللي تكفيني


حرام احط معك غيرك واحبك واظلم الثاني


كفايه انت في دنياي امل باقي يسليني

امل صوته اذا ضاع الامل القاه با اركاني


كفايه همسك الحاني اذا جاني يدفيني


ويبدد وحشه ظروفي وتشرق فرحه اكواني

تراك بعالمي شمعه تبدد ظلمه سنيني


وتراك بدنيتي دنيا لها لون وشكل ثاني

انا سميتك الدنيا وانته وش تسميني

ودنيا ما بها حسك ما ابيها وعمرها فاني

ولاتسعى أبد في يوم في عندي وعصياني

أبيك دكتور لآلامي من أحزاني تداويني

وأبي لاكفت أبصاري تكون النور لأعياني

كتاباتك تتصف بخفه العاشقه الشقيه

روووووووووعهـ رووعهـ ماشاء الله

تسلمـ هالايدااي على النقل الحلوو

لاعدمنااااااااش ياارب

الله يســـــلمك ..

مشكووووره على المرور اللي ولا احلـــى

قصيدة روووعه وااايد وااايد
والله تبكي
تسلمين ياشجووونه~
الله لا يخليني منك

مشكووووووووره قلبي


الله يسلمكـ ويحفظكـ

نورتي صفحتي

يعيطك العافيه

سلمتي..

جوناااااااااااااااااااااااااااااااان

الله يسلم ها لأنامل

يسلمــــــــــــكـ ربي

مشكورين حبايب البـــــي