هذا الذي من بد خلق الله اغليه

عينه تناديني وعيني تناديه
بالصمت كلن استمر بنداته

والله ياذاك اليوم ماني بناسيه
يوم التقيته واهتنيت بلقاته

ماقول من شفته غدا القلب يغليه
اقول من شفته غدا القلب ذاته

هذا الذي من بد خلق الله اغليه
هذا الذي اطلب من الله رضاته

هذا الذي ياناس اموت انا فيه
واضيع لامن قال اني حياته

ماهمني من قال وش له تحبيه
وماهمني منهو يعذرب صفاته

الله عطاني اياه والله يخليه
لعيوني الي ماتناظر سواته

حتى بلذيذ النوم سوالفي فيه
ياقلبي المجروح بالله هاته

يشوف حالي ويترحم لمغليه
وان مارحمني مستعد لشقاته

والله ماعندي غير سيرته وطاريه
حتى اصغر اخواني درى عن غلاته

? تحياااااااااتي ?
(بـاااايـعـتـهـا وعـلــى الله)

ابدعــــــــــتي قلبــــو


يســـــــــــلمو على هيـــك ذوق

لاعدمناكـ ..

قصيده روعه